Tommaso Campanella, De sensu rerum, p. 195
ego postea a Rocco audivi. Idem accidit in Pracanica cuidam
servo
summo mane ad molendinum eunti, cui conservus extraneo indutus
habitu
praecedens timorem incutiebat. Ergo bene opus est distinguere
vera a falsis, et vim
affectus intellgiere, quo quisque fit id, quod
imaginatur, sicut dictum est, et mox
dicetur.
Caput XVII.
Sonos qua motus
et qua signa vim magicam mirificam
certamque continere.
~ Spiritus
natura mobilis delectatur motu tanquam propria
operatione, qua servatur in esse suo,
purgatur, attenuatur,
diffunditur, augetur, vivificatur, propterea soni
vim
magicam continent, qui movent ipsum ad diversas
affectiones pro ipsorum
varietate; asperi ut tuba et Tympani, agitant
ad iram; molles planique ut fidis et
cytharae ad amorem; faciles
et significativi mysteriorum ad pietatem, ut Templi
organa. Idcirco
verum est quae Plato docet, mutationem
musicae morum et status
adducere, vel significare mutationem: sic quidem multi
abiecta Ecclesiae
musica, et novam inducentes, mutavere religionem. Ergo
et
bonos et pravos potest effectus inducere. Pythagoras
insanos a motionibus
furiosis et incompositis traxit ad sanitatem, musica dulci
et
leni motiones spiritus componendo. Daemon curavit ebrios, attrahendo
spiritus
in caput, et somnum procurando; vel eos ventilando
et a vaporibus purgando. Appuli
soni Tarantula oblaesos sanant, spiritum
roborando ut possit corpus agitare,
sudareque venenum et
quando sonatur gagliarda non potest quis saltares pagnolettam:
quoniam
sonus movet spiritum modulis suis, nec permittit spiritum
alios motus
corpori communicare. Sic furia sanatur contrario
sono. Hic autem dicendum restat,
num soni quatenus signa
sunt, non quatenus motus, vim habeant magicam. Quod nil
dubium
est. Videmus enim Oratores ac Poetas homines ad planctum
inducere, ad
iram, ad laetitiam, memorando res, quae natura
istam movent. Praeterea homo hominem
obiurgans, adfert metum;
blandiens amorem et fiduciam: quoniam quid boni aut mali
apprehendit
ex vocis significatu, licet non sit. Quare Caesar
in Pharsalico
bello, dicens suis militibus; abstine a
civibus, et, faciem feri : molles
reddit Pompeianos clementiam, ostentando
et audaces suos,